Upat nadakpan sa Comelec gun ban

Upat ka mga lalaki ang nadakpan sa kapolisan sa paghupot ug dili lisensyadong armas sa managlahing lugar ug takna sa probinsya sa Sugbu sa miaging adlaw sa Barili, San Remigio ug Danao City.

Tungod niini ang upat maigo sa gipatuman karon sa Commission on Election nga Comelec Gun ban nunot sa nagsingabot nga eleksyon karong bulan sa Mayo.

Si Brian Lee Sardoncillo, 19, ulitawo lumad nga taga Colawin Argao ug Christian Ramos 19 nga taga Gutlang sa maong lungsod kinsa gitanggong sa detention cell sa Barili human makuha sa ilang posisyon ang 38 paltik, upat ka buhing bala samtang si Ramos 357 ug duha ka buhing bala.

Matud ni PO2 Job Sarvida nga nahinabi sa Banat News, ang duha niapas sa duha niini ka kaubang babaye kinsa namista sa Japitan.

Ang duha gikan sa disko sa Japitan dihang nakakita og lalis sa miaging kaadlawon sa tulo ka mga batan-ong lalaki nga si Andrew Carreon ug ang manag-agaw'ng Villafuerte nga si Miguel ug Richard didto sa San Rafael ug namatikdang dunay dalang armas.

Daling mireport ang tulo ka batan-on sa ilang buhatan hinungdan sa pagkasikop sa mga suspek.

Sa San Remigio nagtingkagol sa prisohan si Nacensino Armero, 24, ulitawo human nadakpan sa kapolisan ug tanod ug nakuhaan ug 38 paltik.

Si SPO1 Ernesto Alburo niingon nga dunay mitumaw nga kagubot sa merkado ug ang nalambigit niini mao ang gikatahapan.

Daling gisusi sa kapolisan ug ilang naabtan si Armero sa nahisgutang dapit ug nakuhaan hinuon ug armas.

Samtang sa Danao usa ka Concerned Citizen ang nagpahibawo dihang mitumaw usab ang kagubot sa Mabini Street Poblacion nga miresulta sa pagkasikop sa usa ka traysikad drayber.

Ang nasikop giila ni SPO4 Teofilo Deguilmo nga mao si Nelson Capin, 37, minyo, nagpuyo sa Looc sa maong siyudad.

Si Capin nakuhaan ug 38 nga armas nga nagtangag og tulo ka buhing bala.