Kini maoy gipamahayag ni Madame Liu Jin ang deputy director general of Foreign and Overseas Chinese Affairs of Hainan Province atol sa iyang pagpamulong niadtong Sabado sa gabii sa farewell dinner nga gihatag kanila diha sa Capitol Social Hall.
Matud pa ni Liu Jin siya nakadayeg sa katawhang Sugbuanon tungod sa ilang pagkamatinagdanon ug maabi abihon sa dihang sila dinhi sa Sugbo ug pag-apil sa suroy suroy sa mga kalungsuran sa habagatang sugbo.
Tungod niini matud pa ni Liu Jin mas mohugot pa gayod ang ilang maayong relasyon nga nasugdan na tali sa atong probinsiya ug sa Hainan ug nga sila maningkamot gayod nga magmalambuon ug sakto ang Sugbo.
Samtang sa habig usab ni Gobernador Gwendolyn Garcia siya usab mapasalamaton sa delegasyon sa Hainan, China nga mitubag gayod sa iyang imbitasyon sa pagbisita sa atong probinsiya.
"We are grateful that you have made this trip, and sincerely hope that you enjoyed yourselves during your brief stay here" matud pa sa gobernador.
Ang mga delegado sa Hainan, China nga mibisita dinhi sa Sugbo gawas ni Liu Jin, mao sila Gong XuGuang ang deputy director-general sa Department of Agriculture, Liang Dingmin ang assistant counsel of the Bureau of Tourism Hainan, Zeng Wang ang director of the Foreign Investment, Qu Guifu ang deputy director of the department of oceanography of Hainan, Wang Lei, Zang Mai ug ni Xu Fang ang principal staff member of Foreign and Overseas Chinese Affairs of Hainan.