Nahitabo ang pagpamusil sa miaging gabii sa Sitio Bung-aw, Malalay Ronda.
Ang mga biktima kinsa unang gidala sa Barili District Hospital ug gibalhin sa Don Vicente Sotto Memorial Medical Center nag-edad lang og 16 ug 14 anyos.
Ang 16 anyos maoy nakagrabihan human maigo sa bala sa shotgun sa iyang kinatawo, tudlo, kamot ug paa samtang ang 14 anyos igo lang nakaangkon ug pinusilan sa iyang siko.
Segun sa report ang duha ka biktima gikan sa merkado publiko sa Malalay.
Samtang sila naglakaw pauli sa ilang pinuy-anan pag-abot sa labong nga kasagbutan sa nahisgutang dapit kalit lang gipamusil.
Si PO2 Juan Capacio niingon nga wala gyud makaila ang duha ka menor de edad sa gikatahapan tungod sa kangiob sa maong dapit.
Matud ni Capacio murag gi-ambush style kay giatngan naman daan sa gikatahapan nga mamauli ang duha.
Ang kapolisan sa Ronda dili pa makatino sa tinuoray nga motibo sa pagpamusil sanglit nagpadayon paman ang ilang gihimong imbestigasyon.
Usa sa gitutokan karon sa kapolisan posibling may kalambigitan sa fraternity.
Ang duha padayon pang giatiman sa mga mananambal sa DVSMMC.