Abogado ni Sumabong mi-withdaw

Abogado sa giingong nangulo sa pagpanulis sa Land Bank of the Philippines Bogo branch nga si Joel Sumabong pormal nga ni-withdraw gahapon isip iyang abogado.

Apan bisan sa iyang pormal nga pagbiya isip abogado ni Sumabong, dako gihapon ang pagtuo ni Atty. Rameses Villagonzalo nga inosente ang iyang kanhi kliyente sa pagtulis sa LBP-Bogo.

Usa sa nahiubsan ni Villagonzalo mao ang pagkuha og laing abogado ni Sumabong aron maoy molaban kaniya sa laing kasong giatubang nga murder nga wala siya pahibaw-a.

Ang mosyon sa pag-withdraw giduso gahapon ni Villagonzalo sa sala ni RTC Judge Estela Singco sa RTC Bogo, Cebu sa kasong murder.

Ang murder case ni Sumabong girepresentahan karon ni Atty. Leilani Villarino.

Matod pa ni Villagonzalo nga ang robbery-in-band case ni Sumabong, usa ka semana na siya nakahibalo nga nipiyansa na diay ang iyang kliyente.

Si Sumabong kasamtangan ron natanggong sa NBI. Apan tinguha ron sa iyang abogado nga adto kini ibutang sa Provincial jail aron luwas kini itandi kun adto sa Bogo municipal jail.

Kahinumduman nga si Sumabong mipasangil kang Bogo Mayor Celestino "Tining" Martinez nga maoy utok sa pagtulis sa LBP-Bogo apan gipanghimakak kini sa mayor.