Kini maoy iyang gitug-an atol sa usa ka consultation dialogue kalabot sa lokal nga seguridad sa mga sakop sa Regional Peace and Order Council 7 sa Central Visayas kagahapon sa Capitol social hall.
Matud pa ni Gonzales nga dili siya motugot nga ang mga magpapili sa lokal ug nasyonal nga posisyon mahadlok sa ilang seguridad atol sa ilang pagpangampanya tungod lamang sa presensya sa mga walhong grupo nga mangayo og revolutionary ug campaign tax.
Gani, mitug-an siya nga nangayo na siya og kooperasyon sa mga kapolisan ug sa Department of Interior and Local Government (DILG) ug niining panahona sila nagsugod na og monitor ilabi na sa mga probinsiya nga nailhan nang daghang NPA.
Matud pa niya isip national security adviser, "we warned this group that we know already their plan at sana di na lang nila ito ituloy. At sa mga kandidato I assured you we are always here to protect you."
Gidugang pa ni Gonzales nga makigtagbo usab siya sa mga kadagkuan sa Comelec aron sa pag-ila sa mga grupo nga kaalyado sa mga walhong grupo nga magsamok-samok lamang sa eleksyon.
"I want communist allies to be disqualified, believe me they are not sincere," si Gonzales miingon.