Sumabong nadakpan

Nadakpan na ang duha ka suspek sa pagtulis sa People's Multi-Purpose Cooperative sa Talamban diha sa barangay San Andres sa lungsod sa San Rafael, Iloilo kagahapon sa kaadlawon.

Base sa nakuhang report, ang gidakop mao sila si Joel Sumabong ug si Efren Beladas. Ang duha maoy gitumbok sa mga testigos sa maong kooperatiba nga mitulis kanila pinaagi sa picture nga gipakita sa Cebu City Police Office kanila.

Ang mismong mayor sa maong lungsod nga si mayor Ronnie Balasico maoy mikumpirmar niini atol sa pakighinabi sa telepono kagahapon.

Ang operasyon gilusad sa National Bureau of Investigation -7 ug mga sakop sa lokal nga kapolisan.

Ang duha gikatahong diha magpundo sa panimalay sa inahan ni Beladas.

Kahinumduman nga gitulis ang NATCO ug gikuha ang kapin P50 mil nga salapi ug duha ka cellphone sa mga trabahante.

Nahimong inila si Sumabong niadtong 2005 human kini malambigit sa pagtulis sa Land Bank of the Philippines Bogo branch nga nakasakiyo og P9.4 milyones nga kwarta.