4 ka tawo gitulis; 1 gipusil

Upat ka mga tawo gitulis sa miaging gabii sa wala mailhing armadong mga tawo nga nagsakay og motorsiklo ug ang usa sa mga biktima niini gipusil ug naangol.

Ang naangol mao si Ritchmond Salazar, 24, minyo nga taga Alang-Alang, Mandaue kinsa nakabaton og samad pinusilan sa iyang siko ug bitiis.

Si SPO1 Ricardo Perez miingon nga kuyog sa biktima si Genalyn Mangyao, 17, nga taga Casili, Consolacion alas 9 pasado ang takna sa miaging gabii.

Dugang pa niya nga ang duha ka wala mailhing lalaki nga nagsakay og motorsiklo nga nanion og armas kalit lang mitumaw ug mideklarar og tulis.

Gipanguha ang mga mahalong cellphone ug salapi nga kapin sa P2,000 ug namusil pa ang usa ka tulisan makaduha ka higayon sa dayon niining pagbiya.

Ang laing biktima sa pagpanulis mao sila sa Tripon Rey Diamos, 21, nga taga Cambiohan, Casili ug Divine Kiamko, 22, dalaga nga taga Hermag Village, Basak, Mandaue.

Si SPO1 Perez miingon nga unom ka mga wala mailhing mga tawo nga nagsakay og motorsiklo ang nagtulis sa mga biktima ug nakuhaan sa ilang cellphone ug salapi nga P200,200 ang kantidad.

N ailhan ang usa sa unom nga nagtulis sa mga biktima nga mao ang usa ka Junie kinsa nanion og armas ngadto kanila dayong sibat pahilayo sa maong dapit.