Gun ban sa Comelec ihigpit

Gimando karon sa kapolisan sa Commission on Elections (Comelec) ang higpit nga pagpatuman sa Comelec gun ban nunot usab sa pagsugod na sa mga adlaw sa pagpangandam alang sa Mayo 14 nga eleksiyon.

Si Comelec Chairman Benjamin Abalos sa giluwatan niyang kamanduan miingon nga ang maong kamanduan gisugdan sa pagpatuman sa kapolisan sa Enero 14 ug matapos usab sa Hunyo 13 niining tuiga.

Nunot sa higpit nga pagpatuman sa Comelec gun ban, ang mga kandidato alang sa Senado ug mga lokal nga kandidato gihatagan na og kahigayonan sa pagduso sa ilang kandidatura.

Si COMELEC Chairman Benjamin Abalos miingon nga dungan sa Enero 15 niining tuiga ang ilang pagpanawat og certificate of candidacy apan hangtod lang sa Pebrero 15 ang ilang pagpanawat sa kandidato alang sa Senado.

Samtang ang mga lokal nga kandidato hangtod usab sa Marso 29 niining tuiga ang ilang pagpanawat sa certificate of candidacy nga kumpleto na sa detalye ug pirma.

Si Atty Edwin Cadungog nga provincial comelec registrar sa Sugbo miingon nga mahimo nga personal sa mokandidato o bisan kinsang authorized representative ang moduso sa certificate of candidacy.

Dugang pa niya nga ang tanan nga lokal nga kandidato adto mosang-at sa ilang certificate of candidacy sa ilang mga election officer sa lungsod o dakbayan.

Matud pa niya nga ang mga kawani sa kagamhanan lakip na niini ang kapolisan o kasundalohan ang makonsiderar nga mi-resign sa trabaho sa higayon nga nakasumiter na sila sa ilang certificate of candidacy ngadto sa ilang buhatan.