Ate Glo ngadto's NoKor: Biyai ang nuclear weapons

Ang pagpaabandonar sa nuclear weapons sa nasud sa North Korea maoy nag-una sa hisgutanan sa pagbukas sa 10th ASEAN-Republic of Korea Summit kagahapon sa Shangri-La's Mactan Resort and Spa sa dakbayan sa Lapu-lapu.

Atol sa pagbukas sa tigum sa ASEAN-ROK nga gipasiugdahan ni Presidente Gloria Macapagal Arroyo, iya unang gipahalipayan si Presidente Roh Moo Hyun ug katawhan sa nasud sa North Korea sa pagkatudlo ni kanhi Foreign Minister of Korea, Ban Ki Moon isip secretary-general sa United Nations.

Atol sa maong tigum, gipadayag ni Arroyo ang pagsuporta sa ASEAN sa tinguha sa katawhan sa Korea nga makab-ot ang kalinaw nga dili pinaagi sa nuclear weapons aron luwas ang tibouk rehiyon.

"Amidst the concern about nuclear proliferation, we in ASEAN have stood firm in our commitment to urge North Korea to abandon nuclear weapons," sumala pa ni Arroyo.

Gipahinumduman ni Arroyo ang iyang kaubanan sa pagpatuman sa mga nasabutan sa United Nations Security Council ug uban pang nangaging kasabutan.

"I hope that we can all be in one voice in urging North Korea to respond to other security and humanitarian concerns of the international community including abductions' abuse," dugang pa ni Arroyo.