Matud pa ni Marie Nillama, tigpamaba sa Department of Public Works and Highways DPWH-7 nga niadto pa untang Disyembre 2006 ang tagal sa Cavite Development Corporation nga itunol na kining maong proyekto ngadto sa DPWH apan nalangay pa sa ginagmay'ng tiwasonon niini gumikan sa mga uwan-uwan.
Apan matud pa ni Nillama nga nahuman na gyud ang maong proyekto nga gisugdan niadtong 2004 ug gitagalan unta kini kutob sa Oktobre 2006.
Matud pa ni Nillama, ang maong kapin 34 kilometrong dalan dalan diha mag-agi sa mga maong karsada barangay Uling, Naga hangtod ngadto sa Toledo City Hall.
Ang nakalangay sa kontraktor mao ang pagpahigayon kanunay sa mga pagtesting sa mga parte sa karsada nga humok ang yuta, diin gipabag-an ang semento niini, samtang sa mga parti nga gahi, gi-aspalto lang, pero baga sab kaayo ang maong aspalto.
Mahinumduman nga naidtong ang kagamhanan pa sa probinsiya maoy nag-atiman niini, nangliki ang karsadang semento kay "substandard" ang klase sa pagka-semento sa kontraktor ug maoy hinungdan nga gihatag nalang sa probinsiya ang pag-atiman niini ngadto sa nasudnong kagamhanan, matud pa ni Nillama. - Wen Celen