Christmas message ni Vidal

Pagpaubos ug pagpasaylo usa sa mga panawagan ni Cebu Archbishop Ricardo Cardinal Vidal sa iyang pamaskong mensahe ngadto sa mga Sugboanon.

Sa gipagawas nga pamahayag sa Cardinal, iyang gipanawagan ang pag-ampo nga ang mga Sugboanon makaangkon sa pagpatigbabaw sa kamatuuran pinaagi sa pagkumpisal, pagpaubos sa garbo ngadto sa ubang tawo.

Matud pa sa Cardinal nga angayang magmaya ang si bisan kinsang tawo ilabi na kadtong mga kabus nga gitawag na karon og 'the marginalized.'

"Living the spirituality of stewardship as each and everyone of us is expected to do.. let us, on the one hand, be humble enough to confess that we have sinned through our own fault.." kabahin pa sa mensahe sa Cardinal.

Subling gibalik sa Cardinal ang iyang mga mensahe kaniadto pa nga angayang maghigugmaay ang katawhan labaw sa tanan mao ang hustisya.

Giawhag usab ni Vidal ang mga Sugboanon sa pagtinabangay ug maghiusa madayon man o sa dili ang gitinguhang kalamposan sa Asean Summit.

Matud pang Vidal nga angayang magmapasalamaton ang katawhan sa tanang grasyang nadawat karong tuiga ug sa umaabot nga katuigan.