Bata naigo sa pugakhang

Naangol ang 12 anyos nga batang lalaki kinsa naigo sa pugakhang nga kalit lang mibuto alas 9 pasado ang takna sa miaging gabii sa Magsaysay, Toledo.

Ang biktima mao si Mark Niel Pilapil ug ang nakapusil mao si Reymond Mahidlawon, 18, ulitawo nga silingan lamang usab niini.

Si Insp. Alfonso Enriquez sa Toledo Police Station nga gikahinabi sa Banat News miingon nga ang suspetsado mialegar nga napunitan niini ang maong hinagiban.

Dugang pa niya nga gidulaan niini ang maong hinagiban pinaagi sa pagkablit sa gatilyo ug aksidente kining mibuto.

Ang biktima nga nagbarog sa atbang ang natipisingan ug naigo ang tuong kamot niini nga maoy hinungdan sa paghilandig sa tambalanan.