Habalhabal gidagit sa 'polis'

Gidagit ang motorsiklo sa usa ka habal-habal driver sa duha ka wala mailhing mga lalaki kinsa nagpaka-aron-ingnon nga mga polis.

Kini nahitabo alas 5 pasado sayo sa buntag niadtong miaging adlaw sa Casili, Mandaue.

Si SPO1 Ricardo Perez sa Consolacion Police Station ang biktima nga mao si Enrico Dayoday, hingkod ang panuigon, minyo nga lumolupyo sa Canduman.

Miingon si Perez nga ang Suzuki nga motorsiklo gikan sa Canduman ang biktima dihang gipara kini sa duha ka wala milhing mga lalak.

Dugang pa niya nga magpahatod sa Consolacion Police Station nga ang duha ka wala hiilhing lalaki apan sa ilang paghidangat sa Casili, Consolacion mimando kaniya sa pagpahunong.

Gitionan og armas ang biktima ug gimandoan sa pagkanaug ug sa paghatag sa yawe ug mipabulhot pahilayo sa maong dapit.

Si SPO1 Perez miingon nga gihimo gilayon nila ang pagsubay sa maong hitabo apan wala na kini nila igkita.

Giklaro ni SP01 Perez nga tataw kaayong pagpanulis ang motibo sa wala mailhing mga lalaki nga midagit sa motorsiklo sa biktima.

Kahinumdoman nga si PNP Chief Oscardo Calderon mimando karon sa pagdakop sa mga silbiyan nga magsul-ob og polis

Ang kamanduan ni Calderon gitumong sa pagsumpo niining mga peke nga polis nga gigamit lang sa ilegal niining kalihokan.