Gituohang giurom si Inocencio Matildo, 45, minyo, nagpuyo sa maong lugar ug usa ka tighimo og siopao sa usa ka restaurant sa Mango avenue ning siyudad.
Ang asawa sa namatay nga si Jocelyn Lagura, 26, miasoy ngadto ni SPO2 Rey Cuyos sa imbestigador sa Homicide Section nga nianang gabii pag-abot niya sa balay iyang nakit-an nga naghigda na sa ilang kuwarto ug natulog.
Nagtuo ang asawa nga nahinanok sa pagkatulog ang iyang bana hinungdan nga wala na lang kini niya pukawa.
Pagkataudtaod mitupad nalang siya sa paghigda.
Matud ni Jocelyn pagkabuntag iyang gipukaw ang iyang bana apan dakong nahikurat niya sa dihang wala na maglihok ug patay na kini.
Si Francisca Gitoruelas, 44, kitchen supervisor miingon nga nananghid kaniya si Inocencio nga mopauli og sayo kay mopahuway.
Ang patay'ng lawas sa biktima gipailawon sa autopsy aron mamatud-an kun wala bay foul ang iyang kamatayon.