Gikiha'g rape sa Mandaue nasikop sa Fortich, Bukidnon

Usa ka lalaki nga nag-atubang og kasong pagpanglugos ug pagpangabuso og bata sa dakbayan sa Mandaue nadakpan sa miaging adlaw sa kapolisan sa Manolo Fortich.

Ang nadakpan mao si Simeon Perez, 58, minyo nga taga sitio Kamanggahan, Tabok, Mandaue.

Si SP02 Juan Calamba sa kapolisan sa Presinto 3 sa Basak Police Station ug P03 Lino Baylosis mao'y nagkuha sa suspetsado nga gitanggong sa bilanggoan sa Manolo Fortich Police Station.

Ang warrant of arrest nga giluwatan ni Judge Ulric Cañete sa Branch 55 sa Regional Trial Court (RTC-7) maoy gibasehan sa pagdakop sa maong suspetsado.

Mokabat sa P200,000 ug P180,000 ang girekomendar nga piyansa ni Judge Cañete alang sa duha ka mga kasong giatubang alang sa temporaryo niining kagawasan. Si Perez gitanggong karon sa bilanggoan.