Mga Koreano way tagad sa travel warning

Wala magtagad ang mga turistang Koreyano sa mga travel advisories sa pipila ka nasud batok sa pagpabisita sa ilang mga kadugo dinhi sa nasud gumikan sa hulga sa terorista.

Matud pa ni Department of Tourism 7 director Patria Aurora Roa nga way gipangkanselar nga mga flights ug mga bookings sa mga hotels sa dihang nigawas ang mga travel advisories sa niaging semana.

Nag-una gihapon sa labing daghang turista sa Sugbo mao ang Koreyano.

Nunot niini, si Roa nisuporta sa pagsalig ni Tourism Secretary Joseph Mari "Ace" Durano nga ang nasud makaangkon og 10 porsyentong pagsaka sa pagpangabot sa mga langyaw.

Ang travel advisories giluwatan sa Estados Unidos, United Kingdom, New Zealand ug Australia.

Apan matud pa ni Roa nga naanad na ang Pilipinas sa susamang mga travel advisories.

Gani ang hulga sa terorista mao pa ang gipasanginlan nga gi-uswag sa kagamhanan sa Pilipinas ang Asean Summit sa buwan sa Enero.

"As far as I can remember, in all my 13 years of service here, I have never received any report from the hotel sector that their bookings have dropped even by 10 percent in spite of the travel advisories," matud pa ni Roa.

Dugang pa ni Roa nga ang mga Hapon mao'y dali kaayong mahadlok sa travel advisories apan iyang nasayran nga wala'y mga gipangkanselar nga chartered flights sa Japan ug Cebu hangtud niining adlawa nga mao unta ang pagtapos sa Asean Summit kun nahinayun pa sa pagpahigayun.