Amahan miluba sa iyang anak

Nabalhog sa bilanggoan ang usa ka hubog nga amahan human makadunggab sa 13 anyos nga anak niining lalaki sa Catarman, Liloan alas 3 pasado ang takna sa hapon niadtong miagi'ng adlaw.

Si P03 Charlie Flores nga gikahinabi sa Banat News miila sa suspetsado nga mao si Danilo Yango, hingkod ang panuigon, minyo ug nagpuyo sa maong dapit.

Matud pa ni P03 Flores nga ang biktima mao si Darrel Yangco nga nagpuyo usab sa maong dapit ug anak sa maong suspetsado nagtan-aw lang og telebisyon sa sulod sa ilang panimalay.

Dugang pa niya nasuko ang suspetsado dihang nahiuli sa ilang panimalay nga hubog kinsa mikuha kini og hinagiban og nanunggab.

Ang biktima nga nakabaton og samad sa bukton mikaratil og dagan ug nangayo og panabang sa kapolisan. Ang amahan nadakpan.