Kini ang gipadayag sa pangulo sa Housing on Urban Development Office (HUDO) nga si Frank Guillena sa gihimong pagpadayag niini niadtong miaging adlaw.
Ang pagpadayag ni Guillena maoy iyang reaksiyon sa pasangil nga gipasagdan sa kagamhanan ang mga lumolupyo sa maong dapit nga walay dalan nga ilang kaagian.
Gipasabot niya nga gihatag ni kanhi Mayor Alfredo Ouano ang maong luna ngadto sa mga lumolupyo, hinungdan nga si Mayor Thadeo Ouano ug ang kagamhanan sa dakbayan dili na makapanginlabot niini.
Matud pa niya makahimo og kalapasan sa balaod si Mayor Ouano kon mohimo og mga dalan sa maong lugar nga gastohan sa salapi sa kagamhanan, sanglit luna na man kini nga pribado.
Giklaro niya ang matawag nga squatter kadto lamang nagpuyo sa mga creek sa maong nga lugar nga gibalhin na relocation site sa barangay Canduman.
Kahinumdoman nga sa unang termino ni Ouano, nalakip sa iyang programa ang kaugmaran sa condominium project alang sa mga nagpuyo sa maong luna apan napakyas ang mao niyang tinguha tungod usab pagsupak sa mga residente.