'Drug pusher' nadakpan

Nasikop ang usa ka suspetsadong pusher og shabu atol sa gipahigayong buy-bust operation sa kapolisan sa San Remegio ubos sa ayuda sa Provincial Drug Enforcement Agency (PDEA) 7 niadtong Biyernes sa gabii diha sa Sityo Luyong Baybay, Barangay Tacop, San Remegio.

Natingkagol diha sa San Remegio detention cell si Buenaventura Bontoc 43-anyos residente sa maong lugar.

Nasakmit sa mga polis gikan ni Bontoc ang tulo ka paketeng shabu ug ang P200 nga buy bust money nga gigamit sa poseur buyer.

Ang maong pagpangronda gipangulohan ni Police Chief Inspector Laurel Almirante hepe sa kapolisan sa nahisgutang lungsod.

Si Bontoc mag-atubang sa kasong paghupot og ginadiling drugas.