Mga estambay ug drop-out sa hayskol ug kolehiyo makabalik

Mga school drop-outs ug out of school youths naay kahigayonan nga makapadayon sa hayskol o kolehiyo sumala pa sa Department of Education - Cebu City Schools Division pinaagi sa pagkuha og libreng Alternative Learning System (ALS).

Si Dr. Vicky Veloso, ang supervisor sa ALS Education miingon nga gitakda na sa Department of Education (DepEd) alang sa Accreditation and Equivalence Test (A and E Test) ang ALS karong umaabot Pebrero 11 sunod tuig.

Matud pa ang curriculum sa maong ALS naglangkob sa lima ka subjects, kini ang Basic Communication Skills in English and Filipino, Numeracy and Science, Livelihood and Natural Resources, Social Studies ug Current Events and Composition Writing.

Midugang kini nga usa kini ka programa nga Formal Education na nagsugod na niadtong tuig 1999 ubos sa gobiyerno.

Ubos sa programa ang mga drop-outs nga may edad nga 14 anyos paubos mahimong makakuha sa A and E Test diin pwede kini sila makakuha og diploma sa elementary ug ma enrol sa hayskol.

Sobra sa 1,000 ka mga aplikante sa siyudad sa Sugbo ang mikuha sa maong pasulit sa miaging tuig ug 55 porsyento ang nakapasar sa A and E Test sa elementarya ug 65 porsyento usab ang nakapasar sa hayskol nga accelerated para sa college.

Aron ang mga out of school youths makakuha sa maong programa ang Division Office mimando ngadto sa District Coordinators ug Mobile Teachers nga mopahigayon og door-to-door campaign sa nagkadaiyang barangays dinhi sa dakbayan sa Sugbo.