Drayber sa habalhabal gipusil sa iyang silingan

Usa ka habalhahal drayber naangol human kini mabiktima sa pagpamusil kagahapon sa buntag sa Taloot, Argao.

Ang biktima mao si Nelson Abarientos, 35, minyo nga nagpuyo sa maong dapit ug ang nagpusil mao si Rey Mendoza Garcel, 23, ulitawo nga silingan niini.

Si PO2 Jonjet Abaf, imbestigador sa kapolisan sa nahisgotang lungsod nga gikahinabi sa Banat News miingon nga ang suspetsado nahiagi lang sa biktima nga naglingkod sa maong dapit.

Human sa maong pagpamusil ang suspetsado dali usab nga misibat pahilayo sa maong dapit.

Nagtuo si PO2 Abaf nga paregla lang ang gihimong pagpamusil sa suspetsado ngadto sa biktima sanglit wala sila magkaaway niini.

Nakabaton og samad pinusilan sa iyang kalawasan ang biktima ug dali kining gidala sa Vicente Sotto Memorial Medical Center sa dakbayan sa Sugbo.