Probations patrabahuon

Ang kagamhanan mogamit sa libreng serbisyo sa kapin 100 ka mga "probationers" kon mga konbiktadong piniriso nga gihatagag probisyon sa Department of Justice -- Parole and Probation Administration DOJ-PPA alang sa Pre-Asean Summit Clean-up Drive ning dakbayan.

Matud pa ni Ceres Geromo, tigpamaba sa DOJ-PPA nga ang rumbo nilang lugar nga hinloan karong Nobiyembre 16, mao ang barangay Guadalupe.

Miingon si Geromo nga ang pagpanghinlo sa maong barangay uban sa paggamit sa puwersa ug kusog sa mga probationer maoy ilang tubag sa hangyo ni konsehal Eugenio Faelnar, kinsa maoy presidente sa Association of Barangay Councils (ABC).

Sumala sa giluwatang hangyo ni Faelnar, adto idestino ang mga probisyoner sa Crown Regency Residencies-Cebu, usa ka higanteng hotel sa pribado sa maong barangay, nga gitakdang sak-an unya sa mga delegado sa Asean summit.