Si Relado kanhi hepe sa Pardo Police Station bag-ohay pa lang girelibohan sa laing hepe niadtong milabay'ng buwan ug gidistino sa security Service Group.
Matud ni Relado sa dihang nahinabi sa Banat News kagahapon nga iyang gidawat ang maong tanyag bisan paman kun nakahibalo siya kun unsa kadako ang responsibilidad ang iyang atubangon gumikan sa sunodsunod nga pagpanulis nga nahitabo sa milabay'ng pila ka adlaw dinhi sa dakbayan sa Sugbo.
Sa iyang bahin si City Director Supt. Melvin Gayotin nagkanayon nga iyang hatagan og higayon si Relado nga makadumala sa TRS ilabi na sa robbery.
Matud niya nga dugay na usab si Sr.Insp. Francisco Ibones sa TRS ug kinahanglan na gyud nga hulipan og lain.
Kasamtangan si Ibones maoy nahimong deputy commander ni Supt. Mariano Natuel sa SSG.
Kagahapon si Relado mipatawag og command conference aron paghimamat sa iyang mga sakop ug mipasidaan sa mga palisiya nga maoy gustong ipatuman.
Gitun-an karon ni Relado ang mga sunodsunod nga tulis dinhi sa dakbayan ug ang mga mihimo nga responsable niini.
Iyang nakita nga dili lang ang ASEAN Summit ang pangandaman sa kapolisan lakip na nga nagsingabot ang Pasko karong sunod bulan.
Gipadayag niya posibling motaas pa ang kaso sa pagpanulis dinhi sa siyudad hangtod sa Enero sunod tuig.
Apan iyang gipasalig nga doblihon pa niya ang iyang lihok ug paningkamot ug ipatuman ang pagpanggokud niadtong mga tawo nga dunay mga nag-ung-ong nga kaso aron magmalamposon ang iyang kampanya diha sa iyang buhatan.
Matud ni Relado mas mominos na unya ang krimen nga mahitabo dinhi sa siyudad kay manglayas naman ang mga tawo nga dunay pending warrant.
Sa pagkakaron dunay daghang na-pending diha sa warrant section sa CCPO.