Kahinumduman nga si Mayor Socrates Fernandez miluwat og kamanduan nga nagdili sa pagpamaligya og ilimnong makahubog diha duol sa sementaryo atol sa pagsaulog sa kalag-kalag para malikayan nga dunay mahitabong kasamok.
Lakip sa wala itugot ni Fernandez mao ang pagdala og videoke sa mga magbilar diha sa sementeryo para magkanta-kanta ug sugal.
Sobra sa 30 ka kahong beer ug sobra usab sa 10 ka lapad ug long neck nga bino ug aduna pay bahalina ang nasakmit sa mga polis gikan sa mga tindera niini diha sa Barangay Poblacion, Tanke ug Cansojong.
Duha sa naninda sa maong ilimnong makahubog si Rufa Quilestino 18-anyos taga Sityo Litmon,Poblacion ug Marlyn Maneja 47 taga Barangay Dumlog.
Ang maong mga ilimnon nga nasakmit naa karon diha gibutang sa police station sa Talisay.
Ang kapolisan sa siyudad padayon kagahapon sa ilang pagbantay sa mga sementeryo para pagmentenar sa kahapsay ug kalinaw.