Nabalaka ang konsehal nga susama sa mga nangaging katuigan mosiaw ang grupong akyat bahay gang nga mopahimulos sa pagpanglungkab sa mga pinuy-anan nga walay mahabilin nga tawo tungod kay na bisi kini sa pagpanagkot sa lubong sa ilang mga minahal sa kinabuhi sa sementeryo.
Base sa kasinatian sa konsehal nga sagad sa mga pamilya panahon sa adlaw sa mga minatay magpanon kini sa pagpanagkot sa sementeryo ug mapasagdan na niini ang ilang pinuy-anan.
Gawas niini, mihangyo usab ang konsehal nga seguradohong naka-off ang tanang mga appliances sa dili pa mobiya sa tagsatagsa ka pinuy-anan aron malikayan ang mga katalagman sama sa sunog.
Apil na niini ang paghipos sa mga dinagkotan nga kandila nga gipamutang sa altar sa higayon nga molakaw.
Hinuon gipaubos karon sa red alert status ang kabomberohan dinhi sa dakbayan pinangulohan ni City fire marshal Esmael Codilla aron matubag dayon ang bisan unsang alarma nga motumaw.