Taong grasa hipuson

Gipahingusgan karon sa konseho sa siyudad sa Sugbo nga kuha-on ang tanang libod suroy o "taong -grasa" nga nagsuroy-suroy sa kadalanan sa dakbayan sa Sugbo.

Base sa Section 16, The general Welfare Clause of the Local Government Code or Republic Act 7160 ang barangay maoy mohatag og seguridad ug kinahanglanon sa mga residente mahitungod sa panglawas niini.

Tungod sa pagsaka sa mga libod-suroy dinhi sa dakbayan sa Sugbo si Edgardo Labella miawhag sa gihimong resolusyon kalabot sa maong problema.

Matud pa pwede nga adto ibutang sa ward 12 sa Vicente Sotto Memorial Medical Center ang mga "taong-grasa" tungod kay gipanag-iya kini sa gobyerno dinhi sa lalawigan sa Sugbo.

Miumol na ang Association of Barangay Council (ABC) og usa ka memorandum of agreement (MOA) nga moatiman sa buang nga nagsuroy-suroy sa ilang barangay.

Iya usab gipanawagan ang tanang kadagkuan sa Cebu City Health Department (CCHD), Cebu City Medical Center (CCMC), ug ang Department of Social Welfare and Development (DSWD) nga moapil usab sa miting diin pagahisgutan kon unsaon pagsulbad sa maong problema og paggahin ug mga medisina ngadto sa tanang barangay alang sa mga taong-grasa o may sakit sa pangisip.