4 anyos gilugos sa silingan

Gibalhog sa prisohan ang usa ka 23 anyos nga lalaki nga nadakpan sa hot pursuit operation sa kapolisan sa Asturias human gipasanginlang milugos sa 4 anyos nga batang babaye nga iyang silingan.

Kini nahitabo niadtong Sabado sa hapon sa usa sa mga barangay sa Asturias. Ang suspek giilang mao si Joan Caballero nagpuyo sa maong lungsod.

Segun sa report ang suspek mitawag sa biktima nga pasudlon sa iyang panimalay diin didto giingong gipugos kini sa suspek pagpahigda sa lantay nga kawayan dayong hubo sa underwear ug gilugos.

Ang inahan sa biktima human masayod sa gidangatan sa anak daling mitaho sa kapolisan.

Sila si PO1 Joel Mata ug PO1 Lolito Narvasa mihimo og hot pursuit batok sa suspek nga miresulta sa pagkasikop niini diha sa iyang panimalay.

Sa gihimong follow-up sa Banat News kagahapon ni PO3 Jaime Roxas, desk officer sa Asturias miingon ang bata nagdula sa tugkaran niadtong higayona.

"Nahibulong ang inahan sa bata kay kalit lang kining nawala hinungdan nga gipangita kini apan nakit-an sa inahan nga migawas gikan sa balay sa suspek ug nagtakiang na" dugang asoy ni Roxas.

Nasuta nga dunay nakuha nga duga nga gituohang gikan sa suspek diha sa kinatawo sa biktima.

Ang biktima gipahiling na sa pink room sa Vicente Sotto Memorial Medical Center ug nasuta nga positibo kining gihilabtan.

Ang suspek nga si Tagalog gidala na sa kapolisan kagahapon sa Provincial Prosecutors Office aron ipasaka ang kasong pagpanglugos.