CERES VS. CERES NAGSUNGAG

Nahulog sa kimba ang usa ka Ceres bus nga nakigbinugtaway sa laing bus de pasaheroan sa dihang nasaghiran sa laing Ceres bus nga gikasugat niini sa may kurbadahon nga bahin sa Arbon, Boljoon kagahapon pasado alas 9 sa buntag.

Hinuon walay gikatahong naangol atol sa aksidente kay duha lang ang pasahero niini ug igo lang nakaangkon ug garas-garas sa bukton.

Ang Ceres nga nagtangag sa plaka FVW-559 gimaniho ni Alixes Bontigao, 33, minyo nga taga Emerald St. Lahug Cebu City.

Samtang ang iyang gikasugat ug gikasaghid nagtangag sa plaka FWD-784 nga gimaneho ni Alejo Guernes, 52, minyo, lumad nga taga Puente Vedra, Negros Occidental.

Si Bontigao nagsunod kini sa Sun Rays bus gikan sa Santander paingon dinhi sa Sugbo.

Samtang si Guernes paingon sa Santander ug ikasakay sa barge lahos na sa Mabinay Negros Orriental.

Ang deputy chief nga si SPO4 Cristino Oraca sa Boljoon mitug-an sa Banat News kagahapon nga si Bontigao kusog kining nagpadagan apan paghidangat sa nahisgutang lugar mikawat og lugar sa pikas bahin si Bontigao sa kurbadahon apan gikasugat usab si Guernes hinungdan nga naigo ang ilang isig ka side mirror

Nisuway pa unta og bawi sa manobela si Bontigao paingon sa tuong bahin apan wala na makakontrol dayon nang lahos sa kimba duol sa beach resort.

Si Bontigao nakaangkon og mga samad ug bun-og sa kalawasan ug daling gihatod sa Boljoon District Hospital.

Matud ni SPO4 Oraca nga nakabara gyud og trapik ang maong aksidente.