Joavan mi-plead not guilty

Mi-plead not guilty kagahapon sa buntag si Joavan Fernandez sa arraignment sa iyang kasong frustrated murder diha sa sala ni Regional Trial Court (RTC) Judge Gilbert Moises.

Ang nahisgutang kaso giduso ni Timoteo Aleo kinsa usa sa biktima sa pagpamusil niadtong Agosto 29 diin si Joavan ug laing duha ang suspetsado sa maong insidente.

Kahinumduman nga si Aleo miluwat og affidavit of desistance niadtong Septiyembre sa buhatan ni 1st Assistance Provincial Prosecutor Alburo para iatras ang iyang kasong gipasaka batok ni Fernandez.

Si Aleo nagkanayon sa iyang giluwatan nga affidavit nga under state of shock pa siya dihang miluwat siya og affidavit sa kapolisan batok ni Fernandez.

Gawas ni Aleo sila si Edmund Ong ug Carlos dela Calzada ang miluwat usab og affidavit of desistance para pagbakwi sa ilang pasangil batok ni Fernandez.

Kahinumduman usab nga si Aleo uban ni Panfilo Barinque, drayber sa PUJ kinsa namatay sa nahisgutang pagpamusil.

Si Aleo maoy state witness sa kasong murder nga giduso sa pamilya ni Barinque.

Ang pamilyang Barinque nasagmuyo dihang nakahibawo kini nga si Aleo miluwat og affidavit of desistance.

Gikatakda karong petsa 15 sa Nobiyembre ang pre-trial sa kasong murder ni Fernandez ug karong adlawa, Oktubre 19 sa buntag gikatakda ang arraignment ni Fernandez sa iyang kasong murder diha sa sala ni RTC Judge Stella Alma Cinco sa branch 5.