'Hot meat' sa Asean summit bantayan

Mipasidaan ang taga National Meat Inspection Commission ngadto sa mga tagdumala sa mga hotel ug pension houses pagsuta nga ang mga karneng ilang ipakaon sa mga delegado sa Asean summit dili mga "hot meat".

Ang maong pasidaan gihimo ni Dr. Romeo Capa, Regional Director sa NMIC pinaagi sa DYMR kinsa nagkanayon nga dako kaayo og kaakohan karon ang mga tagdumala sa hotel ilabi na kon magsilbi na silag pagkaon sa mga delegado sa Asean.

Apan una sa tanan gipalihok pag-ayo karon ni Capa ang tanang mga meat inspectors sa pagbaid sa ilang kahanas ug kabatid maniid sa karneng maayo ug dili pinalusot o hot meat.

Gipasabot ni Capa nga ang hot meat daghan kaayo og kahulogan, una nga kini malagmit nga gipalusot tungod kay karneng masakiton, o kaha "double dead" o kaha naglikay lang ang tag-iya nga makabayad og arkabala.