Babayeng misukol giluba sa tulisan

Gidunggab sa usa ka armadong lalaki ang usa ka babaye kinsa misuway unta sa pagsukol sa pagpanulis niini.

Nahitabo ang pagpanulis sa miaging gabii sa Consuelo Village, Basak, Mandaue.

Ang biktima mao si Julia Castañeda, 34, minyo nga nagpuyo sa maong dapit.

Si PO3 Robert Hugo sa Presinto 3 sa Basak Police Station miingon nga naglakaw lang pauli sa ilang panimalay sa maong dapit ang biktima sa dihang ang wala hiilhing lalaki kinsa gikasugat niini kalit lang nanion og kutsilyo dungan ang pagbira sa shoulder bag sa biktima.

Gitapi sa biktima ang kutsilyo ug nasamad ang bukton niini ug nahitabo gayod ang karambola. Midagan ang wala mailhing lalaki nga nadala ang shoulder bag sa biktima nga gisudlan sa cellphone nga salapi nga P3,000 ug uban pa.

Gigukod sa biktima apan miibot og armas nga mobuto ang suspetsado ug gition ngadto kaniya.

Wala mopadayon sa paggukod ang biktima kinsa midangop na lang sa pagsumbong sa kapolisan sa nahitabo kaniya.