Ate Glo pasubhon sa 7 tulay

Imbitado si Presidente Gloria Macapagal Arroyo sa pagsubo sa pito ka taytayan nga gipasemento sa kagamhanan sa lalawigan sa Sugbo karong Oktubre 12.

Ang maong mga taytayan nahimutang sa national road sa lungsod sa Badian ug Alegria nga iya sa nasudnong kagamhanan.

Apan matud pa ni Gob. Gwendolyn Garcia nga nalakip ang maong mga taytayan sa iyang programa sa pagpasemento sa kanhi mga kahoy nga taytayan.

Ang maong karsada ug taytayan responsibilidad unta sa Department of Public Works and Highways.

Ang pagpasemento sa pito ka taytayan nigasto og kapin sa P12-milyones.

Apan matud pa ni Garcia nga nakaminus ang lokal nga kagamhanan sanglit ang gidonar sa Cemex Philippines ang mga semento nga gigamit niini.

Giklaro ni Garcia nga andam siya mohatag og subay sa tanang gasto ug sa gigamitan sa semento.