1,000 ka pamilya pabalhinon ni Ouano gikan sa mga Creek

Mokabat sa 990 ngadto sa 1,000 ka pamilyang masulod sa luna nga nahimutang sa Canduman Mandaue, ug 500 ngadto sa 7,000 usab ka pamilya ang masulod sa Casili.

Matud pa ni Mayor Thadeo Ouano sa Mandaue nga gitagana ang maong luna alang sa mga kabus nga pamilya kinsa nagpuyo sa mga luna nga dili ilaha nga sagad anha nagdasok.

Sumala pa ni Ouano nga ang nagpuyo sa mga creek sa Mantuyong, Tipolo ug Guizo ang padayon na sa ilang paghiklin ug atua kini ipahiluna sa nahisgotang relocation site nga gitagana alang kanila.

Dugang pa niya nga ang mga pamilya nga nagpuyo sa mga creek sa maong dapit ang nakaingon sa pagkabara sa modagayday nga tubig nga maoy hinungdan sa pagpangalisbo sa baho.

Gipasabot ni Ouano nga bisan wala pa ang pag-ugmad sa Cebu International Convention Center (CICC) ang pagbalhin sa maong mga lumolupyo ang daan na niyang gitinguha.

Kini gitumong sa pagpahiluna sa maong mga lumolupyo sa luwas nga dapit ug mapermamente usab ang ilang pagpuyo.