Treasurer mireklamo sa daghan gi-exempt

Mireklamo na ang tresurera sa dakbayan sa Sugbo tungod sa kanunay'ng paghatag sa konseho og tax exemption sa mga entertainment producers ug mga promoters og kalingawan dinhi sa syudad sa Sugbo.

Si City Treasurer Tessie Camarillo mipadala og suwat ngadto sa konseho sa dakbayan nga nag-awhag nga ang mga konsehal mokalma unta sa paghatag og mga tax exemption sa maong mga tigpasiugda og kalingawan.

Matud ni Camarillo nga tungod sa kanunay na lang nga paghatag og tax exemption sa maong mga promoter og entertainment activities, ang buhis nga nakolekta sa dakbayan gikan sa amusement taxes miabot na lang og 47 porsiyento karong tuiga sa gibana-bana nga target.

Gisug

yot ni Camarillo nga kon dunay hangyo gikan sa mga promoter og entertainment activities, angay nga silang mga kawani ug opisyal sa city treasurer's office konsultahon sa mamahimong baruganan.

Nahibaw-an, si Konsehal Sylvan "Jack" Jakosalem maoy kanunay nga mosugyot sa kaubanan niya sa konseho nga ang usa ka promoter og kalingawan mahatagan og tax exemption.