Kontaminadong poso gi-deny

Gihimakak ni Talisay City Health Officer Lino Alanzado ang taho nga adunay mga poso sa Biasong Talisay ang kontaminado sa bacteria.

Gitataw ni Alanzado nga negatibo ang resulta sa ilang pag-susi kabahin sa nahisgutang mga taho nga nabasa nila sa lokal nga pamantalaan nga dunay mga poso sa Biasong nga kontaminado.

Usa ka poso sa gobiyerno nga nahimutang diha sa lugar ang ilang gikuhaan og sample diin negatibo kini sa mga fecal o coliform bacteria.

Matud ni Alanzado nga mipahigayon sila og regular nga tests matag adlaw'ng Martes sa mga pampublikong poso sa siyudad diin negatibo ang mga resulta sa gipahigayon nilang mga test.

Gikataho nga ang Environmental Management Bureau 7 maoy mipagawas sa resulta nga dunay mga poso sa Biasong nga mga kontaminado.

Si Alanzado nagkanayon nga posibleng pribadong poso ang gitumbok sa EMB nga kontaminado sa bacteria.

Ang buhatan ni Alanzado nagpaabot nga mahatagan og kopya sa gikatahong resulta sa test nga gipahigayon sa EMB aron mabuhatan dayon kini og aksiyon sa City Health sa siyudad.