Ang mga kasakitan ning kalibutan

Usa sa mga hinungdan ngano nga usahay ang tawo magduda sa existence ug kaayo sa Ginoo, mao ang daghang mga kasakitan ning kalibutan nga mahiaguman sa tawo matag karon ug unya.

Makapangutana ang tawo nga kon aduna may Ginoo, ug kon puno Siya sa kaluoy, ngano man kono Iya mang itugot ang mga kasakitan, bisan niadtong mga tawo nga unta nagpabiling matinumanon sa Iyang mga sugo.

Atong higala, Nito Jabat (siyarog wa ka kaila niya, Dro), mi-text kanato niining maanindot kaayong panultihon nga makatubag niining mga pangutana kon nganong mitugot man ang Ginoo niining mga kasakitan ning kalibutan.

"Last night, I asked God why does He have to create pain and hurt, why not laughter and cheers? Why do we have to cry, why not of smile painted in our face?

"He got my hand and said: 'My child you won't have to think of me when you're happy. Sometimes I let you experience pain to recognize me. Remember, through pains I'm making you a fighter, the more you cry, the more you're hurt, the stronger you become.'

"I smiled, then God added: 'Always remember that whatever happens everything has a purpose. I always give a rainbow after a rain.'"

Nindot, di ba? Salamat Nitz! Mao nga Dro, ayaw na lag yaw-yaw diha. Hinumdomi nga kining kalibutan nga temporaryong gipapuy-an sa tawo, usa na ka problema mismo. Mao nga magbinuotan kag dili, di gyud kalikayan ang mga kasakitan. In fact, miingon man ang Ginoo nga kon buot kitang mosunod Kaniya, "pick up your cross."

Ug tinuod, kon pulos lang kalipay ang atong mahiaguman ning kalibutan, lagmit mawani ang Ginoo. Di na gyud ta kahinumdom Niya. Kon puno kita sa kalipay, sama sa daghan natong kaigsoonan nga naglunang sa daghan kaayong kwarta ug kabtangan, makalimot na sa existence sa Ginoo.

Alang kanila, wa na sila magkinahanglan sa Ginoo. Anaa na kanila ang tanan, unsa pa may gamit sa Ginoo! Nganong mosimba pa man sila? Nganong mangadye pa man? Of course, maguol niini ang Ginoo, because God loves all of us, pobreg dato.

Maoy hinungdan nga aron di ka mahisalaag pag-ayo, pahinumdoman ta Niya pinaagi sa mga pains and sorrows. Salamat again, Nitz.