Peace covenant nasab sa frat

Nagpinirmahay na sab og kasabutan ang duha ka managribal nga fraternity ang Alpha Khapa Rho (AKRHO) ug Tau Gamma Phi kagahapon sa hapon sa buhatan ni Senior Supt. Vicente Loot, hepe sa Cebu Provincial Police Office.

Gituyo kini sa duha ka managribal nga fraternity nga bulontaryong mag-abot sa buhatan ni Loot aron mahilot ug mahusay na ang dugay nang gubat sa ilang mga miyembro sa tibuok probinsiya dinhi sa Sugbo

Nipasalig ang duha ka presidente sa fraternity nga kon dunay makasala sa ilang isig ka miyembro ipa-imbestigar sa kada chapter kon unsa ka bug-at ang nahimo ila kini suspensohon

Si Provincial Director Vicente Loot miingon nga wala niya ipatawag ang duha ka grupo kon dili sila mismo ang bulontaryong mag-abot sa iyang buhatan.

Si Richard Buscaino, Regional President sa Akrho dinhi sa Central Visayas miingon nga padayonon ang peace agreement tali sa iyang grupo ug saTau Gamma.

Ang presidente sa Tau Gamma Phi nga si Ralph Barin miingon usab nga mopatawag sila og general assembly sa ilang mga sakop aron pahibaw-on sa nakab-ot nilang kasabutan og unsay silot nga ipahamtang kanila samtang si Buscaino karong Oktobre 7.