Ang pagpamusil nahitabo alas 6 pasado ang takna sa buntag niadtong miaging adlaw sa barangay Mantuyong, dakbayan sa Mandaue.
Ang biktima mao si Milven Arcepe, 23 anyos, ulitawo nga nagpuyo sa maong dapit.
Ang nagpusil sa biktima nailhan lang sa mga angga nga sila si Tawak, Obet, Aman, Andrew ug Antoy nga pulos usab nagpuyo sa silingang barangay sa Guizo sa maong dakbayan.
Si PO3 Albert Quilitorio ug PO2 Richard Rusacenia sa kapolisan sa Presinto 1 sa Centro Police Station nga maoy nakatubag sa alarma miingon nga kalit lang gipusil ang biktima bisan kon walay igong hinungdan.
Matud pa ni PO3 Quilitorio nga ang biktima nga nakabaton og samad pinusilan sa lawas ang dali kining gidala sa Vicente Sotto Memorial Medical Center sa dakbayan sa Sugbo.
Ang biktima anaa pa sa higpit nga pag-atiman sa mga doktor ug ang mga suspetsado nga nakasibat ang padayon pang gipangita.