Mi-molestiya sa anak sa kapuyo gidakop sa Lapu

Nadakpan sa mga awtoridad sa Lapu-Lapu ang usa ka 39 anyos nga lalaki kinsa gipasanginlang mimolestiya sa anak sa iyang kapuyo nga minor de edad.

Ang pagpangabuso nahitabo niadtong adlaw'ng Miyerkules sa miaging semana sulod sa ilang panimalay pasado alas 6 sa gabii sa usa sa mga barangay sa Lapu-Lapu.

Segun pa sa report nga midangat sa Cebu Provincial Police Office nasayran nga ang 33-anyos nga inahan sa biktima mitaho kanila human masayri nga ang iyang anak sa una niyang lalaki nga 6 anyos gimolestiya sa iyang kapuyo samtang wala siya diha sa ilang pinuy-anan.

Ang nadakpan sa kapolisan mao si Gregorio Andales, mamumuo ug nagpuyo sa Ibabao, Agus, Lapu-Lapu.

Si Andales nadakpan sa kapolisan tulo ka adlaw human niya gibuhat sa bata ang pagpangabuso niadtong Domingo sa buntag didto sa iyang pinuy-anan

Ang suspek kasamtangan karon gitanggong sa detention cell sa dakbayan sa Lapu-Lapu samtang nagpaabot sa kasong ipasaka sa kapolisan batok kaniya.