Hustisya gipangayo

Tulo ka Konsehal sa dakbayan sa Talisay ang mipasar og resolusyon nga nag-awhag nga mahatagan og hustisya ang upat ka biktima sa pagpamusil diin usa niini ang namatay niadtong Agosto 29, diha sa duha ka Barangay sa siyudad.

Kagahapon sa buntag giapropahan sa konseho sa siyudad ang resolusyon kabahin sa maong awhag nga gipaluyohan nila ni Konsehal Emil Go, Alan Bucao ug Ignacio Luis Jordana.

Ang nahisgutang mga opisyal nag-awhag usab sa mga Talisaynon nga motaho dayon sa otoridad kung adunay mahitabong insidente o mga krimen diha sa ilang mga lugar para mamentenar ang kahapsay ug kalinaw sa siyudad.

Ang sistema sa criminal justice sa siyudad giawhag usab nga mag-mabinantayon para ang kriminal dili na makabuhat og laing krimen o makabiktima pa og laing Talisaynon.