Radyo kada lawak saringan gitinguha

Suportado ni Mayor Tomas Osmeña ang tinguha ni Education Secretary Jeslie Lapuz nga pagsagop sa radio materials aron makatabang pagpalambo sa edukasyon sa mga tinun-an ilabina sa pampublikong tunghaan.

Nakita sa mayor nga epektibo ang maong programa nga nahunahunaan ni Lapuz nga pagpaangay og mga radio sets sa tagsa-tagsa ka mga classroom sa mga tunghaan sa elementarya.

Ang tuyo ug tumong niini aron kagiyahan ang mga tinun-an sama sa i-rekord ug i-play nga mga insaktong pronounciation sa radyo aron mao kini tun-an ug sun-on sa mga tinun-an.

Nunot niini, mipasalig dayon si Osmeña nga andam siya nga mogahin og pundo alang sa ibayad sa paliton nga oras alang sa programa sa radyo aron mapahimuslan unya kining maong programa sa mga tinun-an sa dakbayan.