Ang mga residente sa sitio Lapyahan, Labogon, Mandaue maoy nakamatikod nga giabandonar sa maong dapit kinsa dali usab nga nakapadangat og taho ngadto sa Basak Police Station.
Ang team sa kapolisan nga gipangulohan ni PO3 Napoleon Retuya sa kapolisan sa Basak Police Station nga maoy nakatubag sa alarma maoy nagsakmit niini.
Si PO1 Melvin Pelayo, desk officer sa kapolisan sa nahisgotang presinto nga gikahinabi sa Banat News miingon nga alas 9 pasado ang takna sa gabii nila nadawat ang taho sa pipila ka lumolupyo.
Matud pa niya nga gihumolan sa dagat ang maong mga kahoy nga ilang gituohang gidiskarga kini sa midunggo nga sakyanan sa kadagatan sa maong lugar.
Matud pa ni PO1 Pelayo nga ilang gipaabot ang tag-iya sa maong kahoy nga gitapok alang unta sa pagsukitsukit apan walay miduol kanila nga maoy hinungdan nga ila kining gipakarga og sakyanan ug gidala sa ilang buhatan.
Si Sr. Supt. Eduardo Catabas, direktor sa kapolisan sa maong dakbayan miingon nga gikatakdang ilang itugyan sa Department of Environment and Natural Resources 7 ang mga kahoy.