Si Insp. Clarissa Roa ang nangulo sa maong operasyon uban sa 14 ka BIN ug laing unom ka sakop sa tanod nga maoy naggiya kanila nga matultolan ang maong plantasyon sa marijuana.
Ang RIID nakadawat og report gikan sa ilang asset kabahin sa mga punoan sa marijuana
Atol sa operasyon wala diha ang duha ka lalaki nga maoy gidudahang nagtanom sa mga punoan sa marijuana
Giila ni Roa ang duha nga mao sila si Rey Caño ug ginganla'g Fredo nga mga residente sa nahisgutang lugar.
Matud ni Roa nga migikan sila kagahapon sa kaadlawon pasado ala una ug miabot hapit na alas 4 sa kaadlawon sa nahisgutang lugar.
Gihulagway ni Roa nga lisod kaayo ang agianan una pa sila naabot.
'Ang mga punoan sa marijuana giipon kini pagtanom sa kamoteng kahoy ug uban pang mga utanon.
Matud niya nga upat ka plantasyon ang gitamnan sa 305 ka tubong marijuana.
Ang RIID mohimo pa sa ilang dugang pakisusi kalabot sa kalambigitan sa duha ka suspetsado nga maoy nagtanom ug mailhan usab ang pinanser niini.