Edukasyon sa dalan gilusad sa Talisay

Kagamhanan sa Talisay molusad og programa pag-edukar sa mga batan-on nga naglatagaw diha sa kadalanan sa dakbayan.

Ang konseho miaprobar og usa ka resolusyon sa milabay'ng semana kabahin sa pag-implementar sa Street Education Program para sa mga batan-on diha sa kadalanan.

Tumong sa siyudad nga ang maong mga batan-on mahimong mapahimuslan sa moabot nga panahon ug dili kini mahimong badlongon sa katilingban.

Si Konsehal Shirley Belleza, tsirman sa Committee on Women, Family and Children ug maoy nagpaluyo sa resolusyon nagkanayon nga angayang hatagan og importansiya ang mga batan-on diha sa kadalanan.