Ang maong lalaki gibana-banang nag-edad og 30 anyos, nagsuot og kolor puti nga polo, brown nga pantalon, ug kolor green nga tsinelas, apan walay bisan usa ka identification card nga narekober diha sa patay'ng lawas niini.
Usa ka botelya sa medisinang gituuhang tambal alang sa sakit nga tuberculosis ang napalgan diha sa walang bulsa sa karsones sa biktima nga gituuhang iya sa biktima.
Sumala pa ni SPO3 Zenaido Pastorfide sa Homicide Section sa pakighinabi sa Banat News nga posibleng diha milatay ang biktima sa punoan sa manga nga pidpid sa skywalk.
Gikan didto gihikot sa biktima ang pisi nga nylon nga kolor yellow ug miambak paubos apan nisangko ang tiil niini apan nakabsan gihapon kini sa iyang kinabuhi tungod sa pagkahikot sa pisi diha sa iyang liog.
Ang caretaker sa maong tunghaan nga si Roquita Cantonga,22, nga padulong unta manglaba maoy nakakita sa biktima nga nagbitay na diha sa maong punoan.
Matud pang Pastorfide nga posibleng taga diha ra ang biktima sa Mambaling apan wala pa mahibaw-i sa mga kabanay niini ang gidangatan niini.
Ang patay'ng lawas sa biktima naa karon sa Saint Francis Funeral Homes alang sa pag-ila sa mga kabanay niini.