Nahagbong sa habal, dalaga 'angol

Kritikal ang kahimtang sa usa ka 23-anyos nga babaye kinsa tindera sa usa ka dakong tindahan sa Tabunok human kini mahagbong sa gisakyang habal-habal kagahapon sa buntag diha sa Barangay Camp 4 dakbayan sa Talisay.

Si Catherine Alicaya taga Camp 7 sa maong siyudad kinsa nakaangkon og bukol sa ulo, mga pangos ug bun-og sa lawas daling gidala diha sa Talisay District Hospital, nagsuka-suka kini tungod sa hitabo.

Si Noberto Panoncial 24, drayber sa habal-habal nga gisakyan ni Alicaya mibutyag kagahapon sa Banat News nga gikan sa Campo 7 padong niyang ihatod sa trabahoan ang biktima.

.

Pag-abot nila sa Camp 4 kalit misinggit si Alicaya tungod kay ang tiil niini naligas sa step knot sa motorsiklo ug paglingi pa niya natuwad na ang biktima.

Matud ni Panoncial nga wala makabalanse si Alicaya ug milahos kini sa pagkahulog tungod kay dangogon nga panapton ang gisul-ob niining sayal.