Turko gitulis sa Naga

Usa ka magpapatigayon nga Turko nawad-an sa iyang salapi human mabiktima sa pagpanulis sa duha ka wala mailhing lalaki nga nagsakay og motorsiklo.

Nahitabo ang pagpanulis sa miaging gabii sa Naalad, Naga.

Ang biktima mao si Joga Singh, 30, minyo ug nagpuyo sa nahisgotang dapit ang nakuhaan gyod sa iyang salapi nga P9,500 ang kantidad.

Si PO1 Neil Villaceran sa kapolisan sa maong lungsod nga gikahinabi sa Banat News miingon nga gikan ang biktima nga nangolekta sa mga suki niini.

Matud pa niya nga nagdagan subay sa dalan paingon sa ilang panimalay ang biktima ug ang motorsiklo nagsunod niini ang kalit lang mi-overtake dungan ang pagtion sa armas ug mideklarar kining tulis.

Gikuha ang pitaka sa biktima nga gisudlan sa salapi nga kinolekta gikan sa mga utangan niini ug mipabulhot kini pahilayo sa maong dapit.