Dead on arrival sa South General Hospital ang biktima giila sa kapolisan mao si Bonifacio Fuentes, 64, minyo, molupyo sa Poblacion nagmaneho sa Yamaha motorsiklo GR-2177.
Samtang ang nagmaneho sa Izuso Elf nagtangag sa plaka GTB 276 mao si Alejandro Fajardo taga Obo, Dalaguete nga gikan nag-deliver og mga utanon dinhi sa dakbayan sa Sugbo.
Segun sa report sa kapolisan, ang biktima ug suspek parehong nagdagan paingon sa habagatang bahin sa lalawigan apan paghidangat sa nahisgotang lugar kalit lang mi-overtake ang suspek.
Naapiki kini kay may gikasugat nga laing sakyanan og mibalik unta sa lugar si Fajardo apan maayo hinuong pagkaigo sa biktima hinungdan nga nalagpot ug didto mapunta sa tuong bahin sa daplin sa karsada.
Si Fuentes nakaangkon og daghang samad ug bun-og sa kalawasan gidali pagdala sa Deiparine Medical Clinic sa Poblacion apan pila ka gutlo ang nakalabay gibalhin sa South General Hospital apan gideklarar kini nga dead on arrival sa mga mananambal.
Human sa insidente si Fajardo boluntaryong mitahan sa kaugalingon sa kapolisan ug kasamtangan karon gitanggong samtang nagpaabot sa tukmang kaso nga ipasaka batok kaniya.