9 pusher sikop sa Mandaue

Gikatahapang siyam ka tigpayuhot og shabu sa sitio Ilog, Opao, Mandaue nadakpan sa kapolisan sa buy-bust operation ug mga pagpangronda nga ilang gipahigayon niadtong miaging adlaw.

Ang nadakpan mao sila si Yeda Diton, Miraluna Diton, Lilebeth Auge, 29, Rosendo Baunsit, 40, Daryl Virallo, Bernie Anislagon, Medardo Barriga ug Dione Cuizon, 48 nga pulos nagpuyo sa maong lugar.

Si Inspector Leoncio Baliguat Jr, hepe sa Presinto 5 sa Opao Police Station ug mga sakop sa Vice Squad Section sa Mandaue City Police Office (MCPO) maoy nakasikop sa maong mga gikatahapan.

Nasakmit gikan sa mga suspetsado atol sa ilang pagkasikop ang mga pakete sa gituohang shabu nga wala pa matino ang gibug-aton ug mga kahimanan sa paggamit niini.