Ang suspek giilang si Peter John Madden,63, biyudo ug kasamtangang nagpuyo sa Quiot ning dakbayan gitanggong na karon sa karsel sa Cebu City Police Office.
Sumala pa sa imbestigasyon sa kapolisan sa Parian Police Station ang suspek kasamtangang nag-inom diha sa maong lugar dihang sa pag-agi sa 7 anyos nga batang lalaki kalit niya kining gihapsan sa tuong kilid.
Ang inahan sa biktima nga si Rowena Gako kinsa nakakita sa insidente daling mikomprontase sa suspek apan nakugang nalang siya dihang gikatahong gisinggitan siya og "f-k you" sa suspek.
Dihang mihana og labay og botelya sa bino si Madden daling midagan si Rowena ug nagpatabang sa mga polis sa Parian kinsa maoy mitabang sa iya pagdakop kang Madden.
Si Madden dihang gikuhaan sa Banat News sa iyang habig mihimakak kini sa pasangil kay matud niya igo ra niyang giabog ang biktima kinsa duna pay laing unom ka mga batang kauban nga nagpunay og samok-samok niya.
Giangkon ni Madden nga miinom siya og brandy apan wala niya pasakiti ang bata.
"No I didn't hit him, I just shoved him away because there were six of them," asoy pang Madden.
Si Madden nanimuyo na dinhi sa Sugbo sukad niadtong tuig 1984 ug nakaminyo na og usa ka Cebuana apan namatay na kini pila na ka tuig ang nakalabay.